2010 ОНЫ ДУЛААНЫ УЛИРЛЫН (V-IX сарын)

ЦАГ АГААРЫН ЕРӨНХИЙ ТӨЛӨВ

Тавдугаар сард. Агаарын температурын сарын дундаж нь Алтай, Хангайн уулархаг нутгаар 8-11, говийн нутгаар 17-20, бусад нутгаар 12-15 градус дулаан буюу ихэнх нутгаар олон жилийн дунджийн орчим байна (1 дүгээр зураг).

Энэ сард орох хур тунадасны нийт хэмжээ нь Баян-Өлгий, Ховд, Сэлэнгэ, Хэнтийн ихэнх нутаг, Увс, Булган, Баянхонгор, Өмнөговийн хойд, Говь-Алтайн баруун өмнөд, Завхан, Дорноговь, Дорнодын зүүн өмнөд, Архангайн баруун, Өвөрхангайн өмнөд хэсгээр олон жилийн дунджаас ахиу, бусад нутгаар олон жилийн дунджийн орчим байна ( 2 дугаар зураг).

Зургадугаар сард. Агаарын температурын сарын дундаж нь Хангай, Хөвсгөлийн уулархаг нутгаар 10-13, говийн нутгаар 19-22, бусад нутгаар 15-18 градус дулаан буюу Ховдын хойд, Говь-Алтай, Баянхонгорын баруун хойд, Увсын өмнөд, Завхан, Архангайн баруун, Дорнодын зүүн хойд хэсгээр олон жилийн дунджаас 1.5 градусаар дулаан, бусад нутгаар олон жилийн дунджийн орчим байна ( 3 дугаар зураг). 

Энэ сард орох хур борооны нийт хэмжээ нь Хөвсгөлийн хойд, Өмнөговийн хойд болон зүүн, Өвөрхангай, Дундговь, Дорноговийн  өмнөд, Дорнодын баруун өмнөд хэсгээр олон жилийн дунджаас ахиу, харин Алтайн уулархаг нутаг болон Дундговийн зүүн хойд, Дорноговийн хойд, Хэнтийн өмнөд, Сүхбаатарын баруун хойд хэсэг, Говь-Сүмбэрийн нутгаар олон жилийн дунджаас бага, бусад нутгаар олон жилийн дунджийн орчим байна (4 дүгээр зураг).

Долдугаар сард. Агаарын температурын сарын дундаж нь Хангай, Хөвсгөлийн уулархаг нутгаар 11-16, говийн нутгаар 22-27, бусад нутгаар 16-21 градус дулаан буюу ихэнх нутгаар олон жилийн дунджийн орчим, зөвхөн Увс, Завханы ихэнх нутаг, Баян-Өлгий, Ховдын хойд, Баянхонгорын баруун хойд, Архангайн баруун өмнөд хэсгээр олон жилийн дунджаас 1.0-1.5 градусаар дулаан байна ( 5 дугаар зураг).

Энэ сард орох борооны нийт хэмжээ нь Баян-Өлгий, Ховд, Говь-Алтайн уулархаг нутгаар олон жилийн дунджаас ахиу, харин Өмнөговийн зүүн өмнөд, Дорноговийн өмнөд, Дорнодын зүүн хойд хэсгээр олон жилийн дунджаас бага, бусад нутгаар олон жилийн дунджийн орчим байна. (6 дугаар зураг). 

Наймдугаар сард. Агаарын температурын сарын дундаж нь Хангай, Хөвсгөлийн уулархаг нутгаар 9-14, говийн нутгаар 19-24, бусад нутгаар 15-20 градус дулаан буюу ихэнх нутгаар олон жилийн дунджаас 1.5 градусаар дулаан, Увс, Баян-Өлгийн ихэнх нутаг, Ховдын баруун ба өмнөд, Говь-Алтай, Баянхонгорын өмнөд, Завханы баруун хойд, Хөвсгөл, Булганы хойд, Сэлэнгэ, Өмнөговийн баруун хэсгээр олон жилийн дунджийн орчим байна ( 7 дугаар зураг).

Энэ сард орох борооны нийт хэмжээ нь Баян-Өлгий, Ховд, Говь-Алтайн өмнөд, Хөвсгөлийн баруун хойд хэсгээр олон жилийн дунджаас ахиу, Хэнтийн өмнөд, Дундговийн зүүн, Дорноговийн хойд, Говь-Сүмбэр, Сүхбаатар, Дорнодын ихэнх нутгаар олон жилийн дунджаас бага, бусад нутгаар олон жилийн дунджийн орчим байна ( 8 дугаар зураг).

Есдүгээр сард. Агаарын температурын сарын дундаж нь Алтай, Хангай, Хөвсгөл, Хэнтийн уулархаг нутгаар 4-9, говийн нутгаар 13-18, бусад нутгаар 9-14 градус дулаан буюу Баян-Өлгий, Ховд, Говь-Алтай, Баянхонгорын өмнөд, Увс, Завхан, Хөвсгөл, Булганы хойд, Архангайн баруун хэсгээр олон жилийн дунджийн орчим, бусад нутгаар олон жилийн дунджаас 1.5 градусаар дулаан байна ( 9 дүгээр зураг).

Энэ сард орох хур тунадасны нийт хэмжээ нь Ховд, Дундговийн ихэнх нутаг, Увсын зүүн өмнөд, Говь-Алтай, Завхан, Сүхбаатарын баруун, Өвөрхангайн зүүн, Төв, Хэнтийн өмнөд, Дорноговийн хойд хэсэг, Говь-Сүмбэрийн нутгаар олон жилийн дунджаас бага, бусад нутгаар олон жилийн дунджийн орчим байна ( 10 дугаар зураг).