Хурын шим
Хэн онлайн
Одоогоор 0 хэрэглэгч болон 0 зочин онлайн байна.
Сайтын хандалт

     Нийт зочид

Website counter

2016 ОНЫ НАЙМДУГААР САРЫН ЦАГ АГААРЫН УРЬДЧИЛСАН МЭДЭЭ

Аналог он 2010

Төв аймгийн нутгаар. Энэ сарын агаарын температурын дундаж нь 16-21 градус дулаан буюу нийт нутгаар олон жилийн дунджийн орчим байх төлөвтэй.

Image

           Халах үе: Нэгдүгээр арав хоногийн эхэн ба гуравдугаар арав хоногийн дунд үеэр томоохон голын саваар шөнөдөө 13-18 градус, өдөртөө 28-33 градус, бусад нутгаар шөнөдөө 11-16 градус, өдөртөө 25-30 градус хүрч халах төлөвтэй.

          Сэрүүсэх үе: Нэгдүгээр арав хоногийн дунд үеболон сүүлч, хоёрдугаар арав хоногийн эхэн ба эцэс, гуравдугаар арав хоногийн сүүлчээр ихэнх нутгаар сэрүүсч уулархаг нутгаар шөнөдөө 2 градус  хүйтнээс 3 градус дулаан, хоёрдугаар арав хоногийн сүүлч, гуравдугаар арав хоногийн эхэн ба сүүлчээр хөрсөн дээр 0-5 градус хүрч цочир хүйтэрнэ, өдөртөө 8-13 градус, бусад нутгаар шөнөдөө 5-10 градус, өдөртөө 15-20 градус дулаан байх төлөвтэй.

         Бусад хугацаанд: Уулархаг нутгаар шөнөдөө 4-9 градус, өдөртөө 15-20 градус, бусад нутгаар шөнөдөө 8-13 градус, өдөртөө 22-27 градус дулаан байх төлөвтэй.

        Энэ сард орох борооны хэмжээ нийт нутгаар олон жилийн дунджийн орчим байхтөлөвтэй байна. Дундаж нь Сүмбэр, Жаргалант, Батсүмбэр, Эрдэнэ, Мөнгөнморьтын хойд хэсгээр 70-98 мм, бусад нутгаар 42-70 мм орчим байдаг.

Image

                Нэгдүгээр арав хоногийн дунд үе болон сүүлч, хоёрдугаар арав хоногийн эхэн ба эцэс, гуравдугаар арав хоногийн сүүлчээр ихэнх нутгаар,  хоёрдугаар арав хоногийн дунд үе, гуравдугаар арав хоногийн эхээр зарим газраар бороо орно. Дуу цахилгаантай. Борооны өмнө салхи түр зуур ширүүснэ, ялангуяа нэгдүгээр арав хоногийн эхэн болон эцэс, хоёрдугаар арав хоногийн эхээр зарим газраар түр зуур 16 м/с хүрч ширүүснэ.

   ХӨДӨӨ АЖ АХУЙН ҮЙЛДВЭРЛЭЛД ХЭРХЭН НӨЛӨӨЛӨХ ТУХАЙ

          8 дугаар сарын цаг агаарын урьдчилсан мэдээгээр агаарын дундаж температур ихэнх нутагт олон жилийн дунджийн орчим, хур тунадас ихэнх нутагт олон жилийн дунджийн орчим орохоор байна.

         7 дугаар сарын 20-ны байдлаар нийт нутгийн 70 гаруй хувьд хэвийн, 25 орчим хувьд буюу Увс, Дундговь, Говьсүмбэр, Хэнтий, Дорнодын ихэнх, Ховд, Завхан, Хөвсгөл, Говь-Алтай, Баянхонгор, Архангай, Өвөрхангай, Булган, Орхон, Дорноговь, Өмнөговь, Сүрбаатарын зарим сумдын нутгаар дунд зэрэг, Увсын Цагаанхайрхан, Малчин, Өвөрхангайн Нарийнтээл, Дорноговийн Иххэт, Дорнодын Баяндун, Дашбалбарт муу байна.

          8 дугаар сард дулаан, хур тунадас ихэнх нутагт дунджийн орчим орохоор байгаа нь таримал ургамал болон бэлчээрийн ургамлын ургалтанд таатай нөлөөлөхөөр байна.  

                    Мэдээллийг бэлтгэсэн синоптик Д.Долгоржав